[dropcap]М[/dropcap]ахIачкъалаллал АхIмад-Хан Султаннул цIанийсса аэропортрал прессалул къуллугърал баян бунни июль зурул 1-нний «ИрАэро» авиакомпаниялул дайдишинтIишиву Самаралийнсса ва ЦIусса Уренгойрайнсса рейсру.

Имара Саидова
«ИрАэро» авиакомпаниялул «Суперджет-100» маркалул 100 пассажир щяитайсса самолетир­ттай МахIачкъалаллал аэропортрая нюжмардий цал, ххуллункьинирдай, рейсру дуллан тIий бур.
МахIачкъалалия – Самаралийнсса – ЦIусса Уренгойрайн­сса IO-235-мур рейсрал самолетру лехлантIиссар 23:10 хьу­сса чIумуву.

Самолетрай Самаралийн бияннин хьунтIиссар 1 ссят ва 50 минутI. Ямало-Ненецкий автоном округрайн биянтIиссар алхIаткьини кIюрххицIунмай.
МахIачкъалалия Самаралийнсса – ЦIусса Уренгойрайн­сса рейсирдайнсса билетру байбивхьуссар бахлай.
Самолетирттал расписаниялия ва билетирттал багьрая кIул бан бюхъайссар авиакомпаниялул сайтрай, ягу уквасса справочный телефондалул ва номерданийн 8 (800) 707 49 96 оьвкуну.