[dropcap]М[/dropcap]едициналул зузалтращал архIал социал учреждениярттал зузалтгу коронавирусрал фронтрай ччаннай бавцIуну бивкIунни, интернатирттавусса бугьараминналсса,

мушакъатминналсса ва мукунма мушакъатсса оьрчIалсса буллай. Миннал захIматрал хIакь булун федерал бюджетрава итадаркьунни арцу.

---

П. Рамазанова
Дагъусттаннал ЗахIматрал ва социал развитиялул министерствалул учреждениярттал 700 зузалан доплатарду дуллуну дур. Министр Изумруд МухIуттиновал бувсмунийн бувну, 17 учреждениялул зузалтрайх бавчIуну бур 15 миллион. ХIакинтурал, масалдаран, ца сменалухсса доплата хъанай дур 40 азарда къуруш, агар ми коронавирусрал азар думиннаха аякьалий бивкIхьурча, миннан ца сменалух 60 азарда къуруш ххидурну.

Ца смена 14 гьантлийсса бур. Социал зузалтран, педагогтуран ва медсестрахъан 25 азарда къуруш дуллуну дур, коронавирусрал азар дирминнащал зий бивкIхьурча, миннангу 35 азарда къуруш ялун ххидурну. Вара кьяйдалий санитаркахъан, техперсоналданунгу дуллуну дур доплатарду, 15-10 азарда къуруш хIисаврай.

[dropcap]В[/dropcap]айннангу ххи дурну дур 20 азарда ва 15 азарда къурушру, агар мигу къашавайминнаха аякьалий бивкIхьурча. Му бакъассагу, социал учреждениярттал зузалтран бигьалагансса къулайсса шартIругу дузал дурну дур, мукунна украсса дукрагу. Агар зузалайн цайннагу даврий коронавирусрал азар дирну духьурча, больничныйлий ивкIхьурчагу, мунангу дуллуну дур доплата.