[dropcap]В[/dropcap]а документ бивхьуну бур ихтиярдал информациярттал интернет-порталданий.
Азарханалий уттубишин буван ккаккан бувну бур коронавирусрал инфекция душиву исват бувсса инсантал, ягу мунийн щак бусса, дянивсса, захIматсса, ягу лапва захIматсса тагьарданий бухьурча.
ХI. Аьдилов
Агарда инсан ичIува хъин хъанай ухьурча ва мунал чурххал кIиришиву 3 гьантлий 38,5 градусраяр яларай дагьлай дакъахьурча, му уттуишин уван аьркинссар дянивсса тагьарданийсса къашайшала хIисавну.
Ми бакъасса, уттубишин буван аьркинссар ковидрал къашавайсса циняв, агарда миннал духьурча 65 ва ххишаласса шинну, миннал духьурча цаймигу азарду – лахъи ларгсса азарду, онкология, сахарный диабет, ягу хъунив хьуминнащал яхъанай бухьурча.
Мукунма азарханалий уттубишин буван ккаккан бувну бур балугъравун къабувхсса инсантал, агарда хIакиннайн оьвкусса чIумал миннал чурххал кIиришиву диркIхьурча 39 градус ягу 5 кьини диркIхьурча 38 градус, ссихI бигьин захIматну бивкIхьурча, къюкI анаварну ришлай диркIхьурча ва цаймигу азардугу диркIхьурча.
Мукуна балугъравун къаивма уттуишин уван аьркинссар, агарда му яхъанай ухьурча хъунив хьуминнащал ва минная личIину шава хъин увансса тагьар дакъахьурча.
