[dropcap]У[/dropcap]ттигъанну ДР-лул ХIукуматрал Председатель Артем Здуновлул дунни 400 кв.м. ва ххишаласса лагрулул машлул центрдал вакилтуращалсса батIаву.
ВКС-рал низамрай дурсса батIаврий гьуртту хьунни Цалчинма вице-премьер ХIажимахIаммад ХIусайнов, ДР-лул экономикалул ва территориал лябуккулул министр ХIажи Султанов, ДР-лул ишбажаранчитурал ихтиярду дуруччаврил вакил Мурад ТIалхIатов, МахIачкъала шагьрулул бакIчи Салман Дадаев ва цаймигу.
Ихтилатру хьунни ссуссукьушивурттавату буккаврил цалчинсса ятIапрайн ва кIилчинмур ятIапрайн бучIаврийн хIадур шаврийн багьайсса.
БатIаврий махъ лахълай, Здуновлул увкунни:
— Ссуссукьушивурттавату буккаврил цалчинсса ятIапрай тIитIин багьну бур сайки 12 азарва ттучан. КIилчинмур ятIапрай миннуяр чансса тIитIинтIий бур, цанчирча машлул центрду хъунисса бунутIий. Амма ми центрдал цалчинми зивурдайсса чансса мюрщими ттучанну тIитIин ихтияр дулунну, цIанара ккаккан дурсса шартIру дуручларча, — куну.
ДР-лул Роспотребнадзорданул каялувчи Николай Павловлул гьартану бувсунни цалчинсса ятIапрай дуллан аьркинсса давурттал хIакъираву. Бувсунни цIанасса ппурттувусса санитар-эпидемиологиялул тагьардания.
Здуновлул бувсунни цалчинсса ятIапрах бурувгун дачин дуван тIий бушиву хъиривмур ятIапгу.
Яла Николай Павловлул ишбажаранчитурал суаллахьхьунсса жавабру дуллунни.
БатIаврий ихтилатру бунни мукунма ДР-лул ФНС-рал Управлениялул каялувчи Гъазинур Апсяламовлул ва цайминналгу.
