[dropcap]И[/dropcap]юньдалул 1-нния байбивхьуну, Республикалул Оьтту ласай къуллугърай сакин дантIий бур COVID-19 азарданул къашавай бивкIминная оь ласлантIисса даву.
Ва азар лархъминнал оьтту ишла буллантIий бусса бур цIана къашавайсса, азарханардайсса агьали хъин буллан.
З. АьбдурахIманова
[dropcap]В[/dropcap]а идаралул пресс-къуллугърал бусаврийну, къашавай хьуминнал оьттул плазма ишла бувну, чIявусса агьали ччясса мутталий хъин бувну бур уттинин цайми хIукуматирттай ва жула билаятрайсса цаппара регионнайгу. Медициналул аьлимтурал хъиривлаявурттайн бувну, антитела бусса оьтту ишла бувкун, захIматну къашавайсса инсан, цайна цува увкIун, ччяни азилагайсса ур.
Утти тIурча, ва метод ишла дуллай сукку хьунтIий бур жулла республикалул азарханардайгу.
Оьтту булун увкIманал канихь бикIан аьркинссар паспорт. Оь булун рязиманан хьхьичIсса 48 ссятрал мутталий къабучIиссар хIан хIачIан, аспирин, анальгетикру букан ва пIапIрус учайнал ца ссятрал хьхьичI мугу къаучин. КъабучIиссар мукунна курагул компот, кофе ва цаймигу хьюмушивуртту хIачIангу.
