[dropcap]Б[/dropcap]уйнакскаллал райондалул бакIчи Камил Изиев ва Буйнакск шагьрулул бакIчи Исламудин Нургадаев ахъулссаннул ва
ахънилссаннул бувцIусса ГАЗельданущал бивунни Буйнакскалий тIивтIусса коронавирусрал къашавайми хъин хъанахъисса аьрали госпитальданийн.
Андриана Аьбдуллаева
Ва госпиталь тIивтIуссар Аьрасатнал Президент В. Путиннул тапшур бувну. Шикку бур 350 инсан уттуишин ансса кIану.
Райондалул жяматрал чулуха Камил Изиевлул барчаллагь увкунни коронавирусрал къашавайми хъин буллалисса аьралитурахь, хIакинтуран ва къашайшалтран кумаг буллалисса цинявннахь.
Ростоврая, Краснодардая, Владикавказрая, Севастополлая увкIсса 130 хIакин ва медициналул зузала ур хIакьину госпитальданий зий.
ХIакинтурал барчаллагь увкунни райондалул ва шагьрулул бакIчитурахь цахра дуллалисса аякьалухлу. Госпитальданул хъунама хIакин Аьвдулмажид МахIаммадовлул хъамаллуран ккаккан дунни госпитальданул къатри, оборудование ва зузисса шартIру.
