Республикалул ЦIуллу-сагъшиву дуруччаврил министерствалучIасса Жяматийсса советрал вакилтурал ДР-лул БакIчи Владимир Васильевлуйн жула шагьрурдай ва щархъаву COVID-ращал
талай оьрмурдацIа хьусса медициналул зузалтран аьпалул гьайкал дишин аьркинни тIисса тавакъюращалсса чагъар тIайла бувккун бур.
З. АьбдурахIманова
«Му гьайкал дацIан даву жула агьалинал цIуллу-сагъшиврул цIаний цалла жанну харж дурсса хIакинтурайн жува барчаллагьрай бушиврул лишан хьунтIиссар ва цIанагу агьалинал цIуллу-сагъшиврул къаралданий бавцIуминнал бихьлахьисса захIматран лайкьсса кьимат бищаврин ккалли хьунтIиссар», — тIий бур му лабизаврий.
МаслихIатгу буллай бур монумент-гьайкал дишин Лениннул майданнивсса ДГМУ-лул корпусрал хьхьичIсса паркраву. ЦIана советрал вакилтал гьайкалданул эскизру ххал дигьавриха зий бусса бур. Вайннал сипталийн бувну, гьайкал дацIан дурну махъ мунил лагма гьарца жула дянива лавгсса хIакиннал цIагу чирчусса мурхьругу бувгьуну, дагъусттан миллатирттал циняв мазурдий «Барчаллагь, хIакин» тIисса калимагу чирчусса ула дишин дакIний бусса бур.
Монумент дувансса пикрилий бур агьалиная чирилун датIинсса арцуцIух ва му дишингу ччай бусса бур медициналул зузалтрал кьини кIицI лагайсса июньдалул 15-ннин.
