[dropcap]П[/dropcap]андемиялул тагьарданул ласу-ка бухIан бувну бухьурчагу, Дагъусттаннайгу тяхъану, шадну кIицI ларгунни ОьрчIру буруччаврил кьини.

Роспотребнадзорданул тIалавшиннардаягу къабувккун, интернатирттайн бивну, оьрчIайх бавчIунни ххуй­сса ссайгъатру.

---

П. Рамазанова
Дагъусттаннал БакIчинал ва ХIукуматрал хъунаманал цIанияту Избербашливсса № 7 детдомрай тарбия хъанахъисса музыкалувугу итххявхсса Наида Валееван пишкаш бунни музыкалул синтезатор. МахIачкъалаливсса ятинтурансса интернатрайсса чIава блогер ХIажимахIаммад МахIаммадовлун тIурча, пишкаш бунни видеокамера. /

«Пандемия дурча куну, оьрчI­ру бахшиширттая махIрум къа­буван­ссархха, жугу ятинсса оьрчIансса интернатраву байран дуван пикри буварду. Маскардаву бухьурчагу, кувнная кув архну бацIан багьлай бивкIхьурчагу, оьрчIру ххари буварду, ххуйсса байран хьунни», — тIий бур оьрчIал ихтияр

МахIачкъалаллал администрациялул цIанияту школа-интернатрал тарбия буллалиминнан мэр Салман Дадаевлул дуллунни велосипедру, самокат­ру, футболданий ва волейболданий буккай ттупру.

Дагъусттаннал хъуниминнал цIаниятусса ссайгъатру бивунни Каспийскалийсса ва цаймигу шагьрурдайсса детдомирттавусса оьрчIангу.
Жяматийсса ишккаккулт­раллив ятинсса оьрчIан хIадур дурну дия концерт, чIявусса оьрчIру бусса кулпатирттайх бавчIунни дуки- хIачIиялул кьуцурттивгу.

Театрдал онлайн кьяйдалий ккаккан бунни пьесарду. Шагьрурдал ва шяраваллал садикирттайн заназиминнал тIурча, кка­ккан дунни виртуал утренникру. Лакрал шаннагу райондалия­сса мюрщултгу чялишну гьуртту хьунни инстаграмрай цинявннаща тамаша буван хьусса онлайн-концертирттай.