[dropcap]Ч[/dropcap]Iяйннал шяравасса АхIмадлул арс МахIаммад Сулаймановгу Ватан душманная дуручлай жан дуллусса къучагътуравасса цар.
Увну ур МахIаммад 1918-ку шинал. 1940-ку шинал Дагъусттаннал пединститутрал физикалул ва математикалул факультетгу къуртал бувну, МахIаммад хушрай аьрайн лавгун ур.
[dropcap]Б[/dropcap]аргъбуккавал Украиннаву, Польшанал дазуйсса Радомышль шагьрулий (ва та чIумал Киеврал ляличIисса аьрали округравун бухлай бивкIссар) мюрщи политруктурал курсру къуртал бувну махъ тIайла увккун ур баргъбуккавал фронтрайн. Шикку щаву дирну, Львов шагьрулийсса госпитальданийн агьну ивкIун ур. Гъанчунал бусласимунийн бувну, госпитальданий МахIаммад ккавккун ур хIакин М-Р.Шахшаевлун.
[dropcap]М[/dropcap]унияр махъ МахIаммадлул бакIрачIан ци бувкIссарив щинчIав кIулну бакъар. Яхьуну дур нитти-буттачIан гьан дурсса 1941-ку шинал май зурул 2-нний рирщусса, Радомышль шагьрулий мюрщи политруктурал курсирдай дуклакисса чIумалсса сурат ва чагъар.
Андриана
Аьбдуллаева
