[dropcap]Д[/dropcap]агъусттаннал агьали бала­сса азардануща ххассал буван медициналул зузалт бюхъай-шай буллалисса ва ппурттуву, Мариян Илиясовал цIанийсса «Дара­ччи» клубралгу ххуйсса даву

дунни: дарурттал ацIва къурши биян бунни Новостройрайсса азарханалийн.

[dropcap]Д[/dropcap]акIнийн бутанну буккултран ва азарханалиягу коронавирусрал къашавайми хъин буллалисса госпиталь бувшиву. Азарханалул хъунмур хIакин Булбул Исрапиловахь цукунсса даруртту аьркинну бу­ссарив цIувххуну, машан лавсун, биян бувну бур, ЦIуминалий къашавайсса чIявусса агьлу бушивугу хIисавравун лавсун. Пандемиялул ппурттуву ва «Дараччилул» бувсса цалчинсса кумаг бакъар, уттинингу 80-90 кулпатран дуки-хIачIиялул кьуцуртту дузал бувссар.

— Жулва аьмсса мурад – жува циняв ччясса мутталий ва баласса иширавату буккавур. Медициналул зузалт хьхьу-кьини дакъа зий бур, цалла жаннай зулму буллай. Азарханардайн аьркинмур ласун кабакьаврийну жулвагу чIиви-хъунсса бутIа бикIанссар, — тIий бур фондрал хъунмур Гульшан Хасаева.

П. Рамазанова