«Библионочь-2020» тIисса щалагу Аьрасатнал акциялул ва «БивкIу бакъа полкрал» суккушиндарал лагрулий «75 слов Победы» онлайн-марафондалуцIун
кабакьлай, «Дом знаний» онлайн-школа итабакьлай бур флешмоб «Мой герой Победы». Муния бувсунни онлайн-школалул директор Халипа ТIагьировлул.
Зулайхат Тахакьаева
— Хъунмасса Буттал КIанттул цIанийсса дяъвилий Ххувшаву ларсун 75 шинал байрандалул хьунийн, жун ччай бур ватандалул цIаний цала жанну харж дурми дакIнийн бичин,- тIий ур Халипа.
-Коронавирусрал пандемия ппив шаврия буруччаву мурадрай, Ххувшаврин хас дурсса цинярдагу мероприятияртту махъун дирчуну душиврийн бувну, жу маслихIат буллай буру «Бессмертный полкрал» акция цIусса кьяйдалий бан. Бачияра дяъвилул виртталгу дакIнийн бивчун, дяъвилиясса шеърирдавасса ххару буккиннуча, ватандалухлу жанну дуллусса жула ттаттахъал аьпалун,-ххи бунни Халипанал.
