[dropcap]К[/dropcap]оронавирусрал пандемия республикалий кьини дурксса, жула хIал ххал бансса ишну хьунни. Пандемиялул аьч дунни жула гьарнал лажин. КъахIадурну ляркъунни жулла хIукумат укунсса лагрулул кризисрайн.

Къадузалну лявкъунни цIуллу-сагъшиву дуруччаврил система аьркинсса ресурсирдал. Ва захIматсса тагьарданул мукунна чIалачIи дунни жула халкьуннал узданшиву, чумартшиву, яхI-къирият. Кьини дурксса инсантуран кумаг баву мурадрай чялишну буллан бивкIунни личIи-личIисса чирилул акциярду. Цала цивппа мюхчан банмунилвагу къадузалну, цала оьрмулун ва цIуллу-сагъшиврун нигьачIаву дусса шартIирдай зузисса хIакинтуран кумаг бан леххаврий бувккунни уздансса, хIарачат бусса, цавай ссурухIиртту хьусса дагъусттан душру. Вайннал сукку дунни «#ямыврачи» цIанилусса ихIсандалул акция. Ттул ихтилат хьунни акциялул сакиншинначитуравасса ца, жула МахIаммад Хачилаевлул душ ПатIимащал.

---

Андриана Аьбдуллаева
— Ва акциялул сиптачи хьунни ттул хъинсса дус, ишбажа­ранчи Гузель Джаруллаева. Ванил цила пикри бусайхту, нагу рязину хIала бувхра. Цанчирча азарханардай­сса тагьар кIулну. Цала оьрмулун нигьачIаву ду­сса шартIирдай зий, къашайшалт хъин буллали­сса хIакинтурай хъинну дакI цIий буссияв. Га цIана оьвчав цинявппагу ттула дустурайн. Ци, цукун дантIиссарив маслихIатгу ккав­ккун, дачIи ссятрал дянив жу су­кку дуварду акция. Га цIана хIала бувххунни блогерталгу. Ца кьинилул дянив жуща батIан бювхъунни миллион арцул.Гьарицама дичлай ия цащара бюхъай­ссаксса: 100 къурушрая 200 азаруннийн дияннин. Гьарицагу кIапIикIрая жу рязину бивкIру. КIира нюжмардул дянив 3 миллион арцул батIан бювхъунни жуща.
Гара кьини ля­къарду поставщиктал. Ва ппурттуву жу бияв хIакинтуран, медперсоналданун кумаг бан цалчин сукку хьуми. Кумаг бара тIий жучIан оьвтIий бия Да­гъусттаннал цинярдагу районная ва шагьрурдая. Бия инсантал, цангу ччива кумаг бан тIий, цивппа оьвтIиссагу, лавсун букIлай бия хIакинтал мюхчан бансса костюмру, бахиллу, катIри. Акция жу баян бувссия ххюва гьантлийсса. Амма арцу ялагу-ялагу най дия. Жула инсантурал хъуннасса сахаватлувшиву, чумартшиву ккаккан дунни ва ишираву. Гьарицама дичлай ия цащара бюхъайссаксса: 100 къурушрая 200 азаруннийн дияннин. Гьарицагу кIапIикIрая жу рязину бивкIру. КIира нюжмардул дянив 3 миллион арцул батIан бювхъунни жуща.

[dropcap]М[/dropcap]иннух яла качество ххуйми респираторду, костюмру, очкив лавсун, жу буларду цинявппагу кумаг бара тIий жуйнма бувксса азарханардайн ва поликлиникардайн: ОьрчIал пульмонологиялул центрданийн, Катастрофардал медициналул центрданийн, шагьрулул 3-мур роддомрайн, 4-мур поликлиникалийн, Муххал ххуллул азарханалийн, Республикалул клиникалул азарханалийн. Мукунма Каспийск, Буйнакск шагьрурдал, Ахъушиял, Гергебиллал, ЦIуссалакрал, Бущихъиял, Лаващиял, Гъуниннал, Ахвахуллал районнал медициналул идарарттайн.

ХIакинтал мюхчан къабарча, ми цивппа къашай хьуну, инсантал хъин булланма акъа личIан най бурухха жува тIисса буру­ккинттарал къазразан бувну бияв жу. ТIайламур бусан, жула акция ваксса лагрулий хьунссар тIий бакъассияв. Кумаг бара тIутIимигу вайксса чIявусса бикIансса къаххива. ЧIал чIу­маллагу ттул телефон кьадагьлай дакъая.
Яла качество ххуйми респираторду, костюмру, очкив лавсун, жу буларду цинявппагу кумаг бара тIий жуйнма бувксса азарханардайн ва поликлиникардайн: ОьрчIал пульмонологиялул центрданийн, Катастрофардал медициналул центрданийн, шагьрулул 3-мур роддомрайн, 4-мур поликлиникалийн, Муххал ххуллул азарханалийн, Республикалул клиникалул азарханалийн. Мукунма Каспийск, Буйнакск шагьрурдал, Ахъушиял, Гергебиллал, ЦIуссалакрал, Бущихъиял, Лаващиял, Гъуниннал, Ахвахуллал районнал медициналул идарарттайн.[dropcap]М[/dropcap]укьва гьантлул дянив ттул телефондалийн кумаг бувара тIисса 500 сообщение дуркIун дия. Акция су­кку дурсса чIумал, яла ратIарча 500 азарда къуруш ратIанссар тIий буссияв. ЦIуллу баннав, жула инсантурал ххуйну ка тIиртIунни. ЦIана жу лирчIмур дачIлай буру. Кумаг бувара тIутIими мадара чан хьунни, муниягу дакI ххари хъанай дур, тагьар къулай хъанай духьуви тIий, — буслай бур ПатIима.

Ххирасса душрув! Ва ххаллилсса даву дурсса зул гьарицаннал цIарду кIицI дурну, жяматрал вакил хIисаврайгу, укун­сса къашайшалт хъин буллали­сса арснал нину хIисаврайгу, зухь хъунмасса барчаллагь учин ччива. Акциялул сакиншинначитал ПатIима Хачилаева, Гузель Джаруллаева, Алиса Дибирова, Жаннат МахIаммадова, вайннал дуллалимунил чIарав бавцIуну, шайсса ка-кумаг був­сса Зарема Дибирова, Малика Кунниева, Лиана Кьурбанова, ПатIина МахIаммадова, Зухра МахIаммадова, Амина Ярагъиева, Сабина Амирова, Сания Давудова, Сурия Нуралиева, Зумрат Адухова, Мадина Мусичова, Марьям Хазамова, Хадижат Оьмарова, Аьйшат Аршаева, Мадина Аршаева, Амина ХIамзатова, Нажуля ХIусайниева, Эля ХIусманова, Лейла МахIаммадова. Зун дакI­них­тунусса барчаллагь. Бюхълай личIаннав, каши ххи хьуннав. Ва мубараксса Рамазан зуруй зу бувмур АллагьначIагу кьамулну лякъиннав.