ЧIявусса оьрчIру бусса кулпатирттан компьютерду буллунни

[dropcap]Ж[/dropcap]ула республикалийсса «Единая Россия» партиялул отделениялул пресс-къуллугърал бусаврийну, ДР-лул Халкьуннал Мажлисрал депутат Темуркаев Нариманнул сипталий,

МахIачкъалалив ялапар хъанахъисса чIявусса оьрчIру бусса 30 кулпатран компьютерду буллуну бур. Ва проектравух чялишсса гьурттушинна дурну дур Халкьуннал Мажлисравусса Жагьилтурал парламентрал депутатътурал, «Молодая гвардия Единой России» кьюкьлул волонтертурал ва 05.ru компаниялул.


З. АьбдурахIманова
Санитар-эпидемиологиялул низамрай ккаккан дурсса циняр тIалавшиннардугу дурур­ччуну, 30 къушлийн компьютерданул техника волонтертурал диян дурну дур.
ЦIана, школарду ва вузру лавкьусса чIумал, оьрчIру дистанциялийсса дарсирдах щябивкIун бухьувкун, ахIвал-хIалданул кIюласса чIявуми кулпатирттаву компьютерду ва цаймигу аьркинсса техника ду-дакъашиврул масъала ца яла цIурювкьумур бур.

[dropcap]М[/dropcap]унияту депутатътурал ва волонтертурал хIукму бувну бур, мукьуннияр ххишаласса оьрчIру бусса ягу ятинсса оьрчIру тарбия буллалисса кулпатру язи бувгьуну, миннавух хьхьичIва-хьхьичI гьашину ОГЭ ягу ЕГЭ дуллали­сса хъуними классир­ттал оьрчIру бу-бакъашивугу хIисавравун лавсун, дарсирдан кумагран компьютерду вайннайх бачIин. Ванийну гьашиву къадурну, проектрал лагрулий ва даву гихуннайгу щурущи дувантIиссар.