[dropcap]М[/dropcap]айрал 11-нний хьусса республикалул Оператив штабрал батIаврий ДР-лул ХIукуматрал Председатель Артем Здуновлул бувсунни коронавирусрал инфекциялущалсса талатаврин хасну
Дагъусттаннал ХIукуматрал уттигу 200 млн. къуруширттал ялун ххи бувну итабавкьуну бушиву.
Премьер-министрнал бавтIминнайн тапшур бунни мюнпатну ишла дуван личIи дурсса арцу: «ХIакьину жул хIукму хьунни ковидращал ва пневмониялущал талатаву дачин даврин хасну итадакьин ялун ххи дурсса 200 млн. къуруширттал республикалул бюджетравату. Тавакъюри ми арцу цила чIумал, цинярда кьяйдардугу дурурччуну ишла дуван». Артем Здуновлул республикалул Минздраврал каялувчинайн тапшур бунни ласун компьютердал томографру муниципалитетирттан. «Ттун кIулли, 3 медициналул идаралул машан ласлай бушиву му оборудование жура бюджетравату ларсъсса ва ялунгу ххи дурсса арцух. Буругияра, цуми районнай дурив ми ласунсса аьркиншиву, чув бурив инсантал иржардай бавцIуну.
Зул заявкардугу хIисавравун ларсун, жу итадакьинну арцу МЧС- райн. Мукунма коронавирусрал тестирования кIийла гьарза дуван аьркиншиву жун кIулли. Жура дуллай буру 1000 -яр ххину, дан багьлай бур 2100 -яр къачансса ахттар бавуртту. Мунийн бувну жунна аьркинни реактивру, аьркин-къарцин, духтуртуран даврихлусса хIакь дулуннсса арцу харж дуван», — увкунни премьернал. Мунал тапшур бунни ми арцу ччясса мутталий диян дуван аьркинлугъру ласайминначIан.
ВКС-рал низамрайсса батIаврий ххал бивгьунни цаймигу масъалартту.
ХIадур бувссар
ХIасан Аьдиловлул
