[dropcap]М[/dropcap]артрал 26-нний Республикалул министерстварттай ва ведомствардай хьунни карантиндалул хIакъиравусса хар-хавар бакъасса батIавуртту.
ДР-лул ЗахIматрал ва социал лябуккулул министерствалийгу ва кьини хьунни МахIачкъалаливсса ва Каспийскалийсса ва къуллугърайн багьайсса идарарттал каялувчитал гьурттусса батIаву.
З. АьбдурахIманова
[dropcap]М[/dropcap]инистерствалул каялувчи Изумруд МухIуттиновал, батIаву тIитIлай, чIурчIав дурна цала циняв зузалтрал пиша хъунмурчIин бугьарасса инсантуращал, пенсионертуращал бавхIусса бушиву ва, гьарнан нигьачIисса тагьар духьувкун, хъинну мюхчанну бикIан аьркиншиву.
«Хъунмасса миннатри зуйнма багьайсса цинявгу буржру лажин кIялану, дакIнихтуну биттур буллан. Ва ишираву къулагъас чан мадари ахIвал-хIал кIюласса кулпатирттах ва бугьараминнах. Мудан миннащал дахIаву дикIансса чаранну лякъира ва ми аьркинмунил щаллу бувара», — увкуна И. МухIуттиновал.
[dropcap]С[/dropcap]оциал идарарттал каялувчитуралгу бувсуна цивппагу, медициналул маскарду ва дезинфекция дансса затру чувкIуй дахлай дакъа тIий, цаппара масъалартту щаллу бан къабюхълахъисса захIматсса иширахун багьну бушиву.
ЦIана вай идарарттай, карантиндалул циняр шартIругу щурущи дурну, агьали кьамул байсса низам чIумуйсса даххана дурну дур.
Карантиндалул цIакьсса низамрай бивхьуну бур бугьарасса ва цивппалу ливчIсса халкь яхъанахъисса пансионатгу, «Забота» тIисса мушакъатсса оьрчIансса школа-интернатгу, балугъравун къабувхсса оьрчIансса реабилитациялул социал центр ва цайми укунсса журалул идарартту.
