Росгвардиялул управлениялул лицензияртту ва ихтиярду дулайсса подразделениярттал хIаллихшиннарду аьркин дагьлагьисса граждан ярагъ бусса инсантуран, частный охранный идарарттал каялувчитуран, мукунма граждан ярагъ бахху-ласу буллалисса идарарттал хъуниминнан кIулну бикIан, коронавирус ппив хьунсса нигьачIаву душиврийн бувну, Росгвардиялул каялувчитурал хIукму бунни ярагъ ласун ччисса ва кIицI ларгсса подразделениярттая цамур аьркиншинна дусса инсантал май зурул 1-нин бияннин чанну кьамул буллансса. Къакьамул буллантIиссар агьали республикалул шагьрурдайсса ва районнайсса офисирттавугу. Кьамул буллантIиссар так цаппарасса – ярагъ ябансса ва ишла бансса ихтияр ласун чара бакъашиву думи. Минналгу, Управлениялул официал сайтрай ккаккан дурсса телефондалийн оьвкуну, приемрайн цIа чичин аьркинссар.
КIицI ларгсса ссуссукьушивуртту хьурчагу, подразделениярттал зузалтрал кьамул буллантIиссар агьалинаясса аьрзри «ХIукуматрал хIаллихшиннарду» интернет-порталданийхчIин. ХIаллихшиннардал хIакъиравусса гьарица аьрзлуцIун цIакь бувну бикIан аьркинссар административ законодательствалул тIалав буллалисса документру.
А. Аьбдуллаева
