[dropcap]К[/dropcap]арантин баян бувсса захIматсса шартIирдай чирилул акция дайдирхьунни Давуд Амиров бакIчисса Лак­рал жагьилтурал ккурандалул.

Вайннал цала аякьалийн лавсунни нигьачIаву дусса группалувун бухлахисса, ахIвал кIюласса, бугьарасса, цивппалу ливчIсса инсантал, щахъами ва цалалу оьрчIру ябуллалисса нинухъру. Вайннан дуки-хIачIия ва чара бакъа аьркинмур дусса кьуцуртту биян буллай бур «ЦачIу бюхъантIиссар» тIисса («Вместе сможем») цIанилусса ккурандалул чирилул фонд.

— ЖучIан кумаг бувара тIий оьвтIисса чIявусса бур. ХIа­кинтурал тIалавшиннардугу дурурччуну, жу хIарачат буллай буру цинявппагу жула кумаг аьркин багьлагьисса инсантурачIан биян. Ва жу дуллалисса чирилул давривух хIала уххан ччи­сса, кумаг бан ччисса ухьурча, жу рязиссару, — тIий ур Давуд Амиров. Кумаг бан ччисса инсантураща бюхъайссар дичин арцу ва карталийн: 4276160987984904 (Давид Абуталибович). Телефон: 8-988-781-60-30 (номер карталуцIун бавхIуну буссар).
Гьарица харж дурсса кIапIикI­рал отчет дулун­тIи­ссар.

[dropcap]Ч[/dropcap]ирилул фонд зий бур Ма­хIачкъалалив, Каспийскалий, мукунма Ккуллал, Лакрал ва ЦIуссалакрал районнай.
Апрель зурул 6-сса кьини фондрал бавчIуну бур дуки-хIачIия дусса 75 кьуцуру.
Апрель зурул 7-нин укунсса кумаг аьркин багьлагьисса 25 инсаннаясса аьрза бур.

А. Аьбдуллаева