Гьашину Рамазан барз байбихьлай бур апрель зурул 25-нний. Шяъван зурул махъра-махъсса хьхьуну МухIаммад Идавсил (с.аь.с.), вяъза ккалай,

увкуну бур: «Ттул уммат, бувкIунни чIярусса хъиншивуртту дусса барз, цивугу дусса азарва зурул багьасса ца хьхьу. Ва зуруй, ххуйсса тIул дурну, АллагьначIан гъан хьун хIарачат бувма лавхьхьуссар 70 паризасса тIул вайми зурдардий дурманаха. Ва ссавурданул барзри. Ссавур дурманан ссайгъатну хьунтIиссар Алжан. Ва зуруй кувннал кувннан кумаг байссар».