[dropcap]В[/dropcap]ай гьантрай видеоконференциялул журалий ДР-лул ХIукуматрал Председатель Артем Здуновлул дунни шяраваллил хозяйствалун аьркинсса кьай-кьуй жучIара дуккан дуллан аьркиншиврул хIакъиравусса батIаву.
Муний гьуртту хьунни ДР-лул ХIукуматрал Председательнал хъиривчу Аьбдулмуслим Аьбдулмуслимов, ДР-лул шяраваллил хозяйствалул министр Азбагьир ХIусайнов, ДР-лул промышленностьрал ва энергетикалул министрнал хъиривчу Батир Эмеев.
[dropcap]Б[/dropcap]атIаврий ххал бивгьунни аграр бутIун техника ва аьрки-къарцин итадакьлакьиминнан ва мукунна промышленностьрал идарарттан аьркинсса кьай-кьуй итадакьлакьиминнан паччахIлугърал чулуха кумаг баврил масъала. Ихтилат бур культиватордая, опрыскивателлая, кIунтIайтIисса щин дишаврил системарттая, сепаратордая, нис дайсса ваннардая.
ЦIанасса ппурттуву «Мушарака» ООО-лул дуккан дуллалисса кIунтIай тIутIисса щин дишаврил системартту хъинну тIалавну дур хъузалтрачIа. Аьркинни ми зузи дайсса, дакьин дайсса дуссукъатригу буван (сервисное обслуживание).
БатIаврий ихтилат хьунни шяраваллил хозяйствалун мини-техника датIайсса, дузал дайсса къуллугъру сакин баврил хIакъиравугу. «КЭМЗ» Концерн» ОАО-лучIа ва «Завод «Дагдизель» АО-лучIа бур ми давурттансса площадкартту. ДР-лул Минсельхозпродрал кабакьу бунни му пикрилуцIун. ХIакьинусса кьини му министерство хIадурну дур республикалул идарарттай дурсса техника ласунсса арцу субсидиялий итадакьлан.
