Уттигъанну Москавлив хьунни Ххувшаврил 75 шинал юбилейран хас дурсса Щалагу Аьрасатнал оьрчIансса луттирдал ва музыкалул нюжмар.
Билаятрай махъсса ппурттуву хIасул хьусса тагьарданийн бувну, ва мероприятиягу хьунни онлайн-режимрай.
Имара Саидова
Шикку гьуртту хьунни музыкалул ва творчествалул интеллигенция. Жула республикалул чулуха ва мероприятиялий гьуртту хьунни ДР-лул Музыкантътурал союзрал правлениялул председатель Хан Баширов.
[dropcap]М[/dropcap]унал бувсунни дагъусттан миллатирттал культуралия, искусствалул усттартурая, щаллу бунни цаппара музыкалул произведенияртту, пишкаш бунни луттирду, кинордал дискру, бувккунни оьрчIан чивчусса цалва хаварду ва жавабру дуллунни буллусса суаллахьхьун.
