Дагъусттаннал БакIчи Владимир Васильевлул коронавирусрал азар хьхьара хьуннин циняв идарарттал даву дацIан дуван, дяличIан дуван къашайшиврий чIуручIаву дурну, ккаккан дунни зунсса къадагъа дакъасса идарарттал сияхI.

Ва сияхIрай бур агьалинан дукра дуллалисса идарартту, каферду, ресторанну, так дуканмур тIалав дурну диян дуваннну зузисса. Доставка дуллан бакъа къабучIисса яъни. Бур интернет- ттучаннал пунктру, заказру диян дуллалисса, ххилаххиласса службарду. Медициналул цимурца, даруртту, бишай яру, цамургу оборудование дахлахисса идарартту. Дуки- хIачIия, шяраваллил хозяйствалул продукция, ичIура инсантуран чара бакъа аьркинмур дахлахисса ва дахханнин ядуллалисса кIантту. НакIлил ва дикIул продукциялуха зузисса, дукиялул промышленностьран аьркинсса оборудованиялуха зузисса идарартту. Компьютердаха, электроникалуха ва кабельданул продукциялуха зузисса, цIу лещан дуван ишла дуллалимур дуллалисса идарартту. Ххуллурду, ламурду бавриха ва бакьин бувавриха зузисса идарартту, мукунма ххуллурдал хозяйствалун аьркинмуниха зузисса производство. Транспорт (шивун багьлагьиссар жамирдугу) ремонт дувавриха ва запчастирдаха зузисса идарартту. Информацион технологияртталсса ва связьралсса буллалисса идарартту, почта, телекоммуникациялул сетьру ва СМИ-рдугу хIисавну. Печатьрал продукциялуха зузисса ва кказит- журналлу аьркиннийн биян буллалисса идарартту. Нотариал конторарду. Адвокатътал зузисса идарартту. Строительствалул давуртталсса буллалисса идарартту. Щаллуну сияхI ххал дуван хьунтIиссар Дагъусттаннал БакIчинал офицал сайтрай «документы» тIисса разделдануву.

ХIадур бувссар П. Рамазановал