Аьрасатнал Президент Владимир Путиннул баян бунни кулпатирттан кумаг бикIантIишиву, апрель, май ва июнь зурдардий ниттил капиталданийн ихтияр дусса кулпатирттан ххю-ххюазарда къурущ дулунтIишиву, шанна шин хьуннинсса гьарца оьрчIан хIисавну.
Июнь зуруй дуллай байбихьинтIий бур шанна шинава арулла шинавун бияннинсса оьрчIру бусса кулпатирттансса пособие. Ва пособие хьхьичIра цукунсса доход диркIхьурчагу хIисавравун къалавсуну, даву дакъа ливчIминнан багьайсса бур. Мукунма 1 мартрая тинмай даву дакъа ливчIминнан , шанма зуруй буллантIий бур даву дакъа ливчIминнансса пособие -12 130 къурущ зуруй. Нину- ппу даву дакъа ливчIсса кулпатирттангу шанма зуруйсса булунтIиссар шаназарда къурущ ца оьрчIан хIисавну. Бизнесран кабакьулун ккавккунни чаранну: зун къахъанай щавщи бивсса чIиримур ва лявмур бизнесрал предприятиярттал страховой взносру дулаву ряхва зуруйсса лахъи дуккан дитан, налогругу налогру дулай чIун ларгун мукьахгу дулун битан. Аьрасатнал БакIчинал федерал каналлал тIайланнасса эфирданий ккаккан дуллалисса видеосовещаниялий тапшур бунни бизнесран кумагрансса цаймигу чаранну лякъин.
ХIадур бувссар П. Рамазановал
