[dropcap]А[/dropcap]прельданул 5-нний Дагъусттаннал премьер -министр Артем Здуновлул республикалул бизнес сообществалул вакилтуращал цачIу ххал бивгьунни ишбажаранчитурацIун кабакьаврил

масъалартту коронавирусрал инфекция ппив шаврил тагьарданий. Хьунабакьаврий гьуртту хьуннин мукунма республикалий ишбажаранчитурал ихтиярду дуруччаврил вакил Мурад Далгатов, «Дагъус­ттаннал промышленниктурал ва ишбажаранчитурал союз» тIисса давурттал дузал бувултрал ккурандалул каялувчи Сефер Аьлиев, ва мукунма Ишбажаранчитурал ассоциациялул вакилтал.

ХI. Аьдилов
Хьунабакьаврий ххал диргьунни ДР-лул ХIукуматрал хIукмулул проект, мунил цIакь дувантIиссар коронавирусрал инфекция сававну ссуссукьушиврул чаранну къащунсса идарарттал сияхI. Республикалул ХIукуматрал хIадур дурсса программалул гьарта дуллай дур чIявусса идарарттал дуллантIисса давур­тту. МуницIунна санэпидмероприятияртту бартдигьаврил жаваблувшиву ласун кка­ккан бувну бур идаралул каялувчинал ХIукмулул проектрай ккаккан дурну дур экономикалул чIярусса давурттан ссуссукьушиврул чаранну къащунтIишиву. Му сияхIрайн ласун бур укунсса давуртту дуллалисса идарартту :объектру буллалисса ва бакьин буллалисса, шяраваллил хозяйствалул бакIлахъия ласласисса, дукиялул промышленнострансса аьркин-къарцин ду­ккан дуллалисса, накI ва накIлия сурсатру дайсса, ризкьи ябуллалисса ва чавахъру бугьлагьисса, агьали дукиялул сурсатирттал дузал буллалисса, опталул хъус итадакьайсса центрду, розницалий маша буллалисса идарартту ЖКХ ва авариярттал къуллугъру, транспортрал ва логистикалул идарартту, СМИ ва цаймигу оьрмулун чара бакъа аьркин­сса идарартту.
Мурад ТIалхIатовлул тIиму­нийну, цIанасса ппурттуву ттучаннайн дукиялул сурсатру щаллуну диян дуллалиссар, так дукиялул сурсатирттал документру бухьурча
ВКС-рал (видеоконференцсвязи) журалийсса батIаврий ххал бивгьунни цаймигу масъалартту.