«ЧIяруми арцу социал иширттан харж дуллалиссар»

«ЧIяруми арцу социал иширттан харж дуллалиссар»

Мартрал 26-нний ДР-лул БакIчи Владимир Васильев ва АьФ-лул мюхчаншиврул министрнал хъиривчу Тимур Иванов гьурттуну хьунни видеоконференциялул журалийсса батIаву.


Муний гьуртту хьунни мукунма Республикалул Халкьуннал Мажлисрал Председатель Хизри Шихсаидов ва мунал хъиривчутал. БатIаврий ххал бивгьунни Аьшттарханнаясса Каспий хьхьирил флотилиялул штаб Дагъус­ттаннал Каспийск шагьрулийн бизан баврицIунсса социал объект­ру даврил масъалартту. Шийх дуван най бур халкь яхьун­сса къатри, 20 оьрчIал багъ, 35 ясли ва 9 школа.

Тимур Ивановлул тIимунийну, ми масъалартту бартбигьиншиврул, щурущи буллай бусса бур республикалул производствалул идарартту, заводру. Мунал бувсунни цукунсса хъус дуккан дуллантIиссарив, чув ва щил ду­ккан дуллантIиссарив.

Дагъусттаннал БакIчинал барчаллагь увкунни республикалий социал объектру дуллалаврихлу ва жула инсантуран зузи кIанттурду дузал бантIий бушиврухлу. |

Ми объектру даврил агьамшивугу хIисавравун ларсун, Дагъусттаннал БакIчинал бувсунни цува ацIантIий ушиву ми давурттал ялув. «ЧIяруми арцу социал ма­съаларттан харж дуллантIиссар», — увкунни мунал.

Читайте также: