[dropcap]Р[/dropcap]еспубликалул онкологиялул диспансерданий зун диркIунни ттизаманнул медициналул техникалул дузалсса маммологиялул отделение. Шикку хъин буллантIиссар щаллагу республикалиясса къашайшалт.

---

П. Рамазанова
Хъазамрал рак щаллагу дунияллий ца яла ппив хьумур азарданун ккаллийну дур, ва азар хъин дуллансса цIусса отделение тIитIавугу республикалий онкологиялул даву хьхьичIуннай дувансса хъитну хъанай бур. Шикку бур цал архIал 40 хъамитайпа хъин буллансса кIантту. Бур гьар аьркинмунил дузалсса кIива операцион кабинет, дур кIира маммограф.

— ЦIусса отделениялул гьанумур мурад хъазамрал инжитсса хъами чIумуй ялун личин бувавур, диагностикалул даву лавайсса даражалийн гьаз дурну, захIматсса къашайшалт хъин бувансса чаранну лякъавур. Зий буссар даву ххуйну кIулсса касмукартал, онкоцентрданийн бувкIсса гьарцагу хъамитайпалун аьркинсса кумаг буллантIиссар, — тIий ур цIуллушиву дуруччаврил министр Жамалуттин Гъазиибрагьимов.

[dropcap]О[/dropcap]нкодиспансерданул хъунама хIакин Владимир Брежневлул бувсунни 200 инсан ца сменалий кьамул увайсса цIусса поликлиника тIитIаврийну ва стационарданий 40 кIану ххи шаврийну чIаланну къулай хьушиву азарханалул даву, цIушиннардая къашайшалтгу рязину бушиву.
Бусан ливчIунни, коронавирусрал азар ппив хъанахъисса тагьар духьурчагу, азархана ва поликлиника зийнма бушиву вай гьантрайгу.