2020 шинал апрельданул 6-нний щурун диркIунни къашавайшиврул документрал хIакъиравусса цIусса кьяйдарду, коронавирусрал инфекциялул захIматсса тагьарданийн бувну.
Ми кьяйдарду зузи дурссар чансса харжру ласласисса инсантуран ягу давурттал стажрал шинну чансса думиннан кумаг хьуншиврул, мукунма 65 шинаяр бугьара хьунугу, зузими буруччиншиврул.
ХIасан Аьдилов
Апрельданул 1-нний кьамул дурсса I04-мур федерал закондалий ккаккан бувну бур, гьашину апрельданул 1-нния декабрьданул 30 ннийнин чIумуйсса зун къабюхъаврил пособиялул хIакъи-хIисав дайни гьануну ласаван аьркиншиву яла чIивимур захIматрал хIакь, му хъанахъиссар зузисса инсаннал прожиточ минимум -12130 къуруш. Цири даххана хьунсса?
КIилчинмур цIушинна щунтIиссар оьрмулул дугьарамур никирайн. 2020 шинал апрельданул 1 -нний кьамул бувсса АьФ-лул хIукмулий ккаккан бувну бур коронавирусрал инфекция ппив шаврил хьхьичIалу кьукьаву мурадрай, 65 ва ххишаласса шинну хьусса инсантуран дузал дуллалишиву апрельданул 6-нния 19-ннийнин зун къабюхъаврил электрон чIапIив (электронный листок нетрудоспособности). Му хIукмулул цIакь дурсса чIумуйсса кьяйдарду дагьайссар страхование дусса, ялапар хъанахъисса кIанай самоизоляциялул низам дуручлачисса инсантуран, манзилданий зузими ягу отпускардайн бувкми личIаннин.
