[dropcap]М[/dropcap]артрал 31-нний Аьрасатнал шяраваллил хозяйствалул министр Дмитрий Патрушевлул дунни Оператив штабрал шяраваллил ва дукиялул тагьарданул мониторингран хасъсса батIаву.

Муний гьур­тту хьунни АьФ-лул Федерациялул Советрал, Прокуратуралул, АьФ-лул Минпромторграл, АьФ-лул Минтрудрал, ФАС-рал, Роспотребнадзорданул ва цаймигу идарарттал вакилтал, АПК-рал регионнал органнал, машлул сетирдал каялувчитал. ДР-лул чулухату батIаврий гьуртту хьунни республикалул шяраваллил хозяйствалул министр Абзагьир ХIусайнов, министрнал хъиривчу Эмин ШайххIасанов ва цаймигу

ХI. Аьдилов
Микку Дмитрий Патрушевлул тIимунийну, цIанасса ппур­ттуву муштаринан аьркинссаксса дукиялул сурсатру щаллу даврил тагьарданийн нигьачIаву къадиянтIиссар. Билаятрал дукиялул сурсатирттал рынокрай­сса тагьар цалий дацIан даву мурадрай Аьрасатнал Минсельхозрал ният дур цаппара давуртту дуван. Масалдаран, чан бувну бур дазул кьатIув баххан ккаккан бувсса къама.

Министерствалул хIадур баллай бур 1 млн. тонна къалмул жула билаятрал рынокрай ишла буван.
Аьрасатнал министрнал бувсунни цIанасса ппурттуву яла агьаммур масъала хъанай бушиву агьали аьркинссаксса лагрулийсса дукиялул сурсатир­ттал дузал баву, хъузалтран кумаг баву цила чIумал хъуру гъай чин.