Коронавирусрал инфекция сававну цаппара зузи идарарттал давурттал низам даххана хьуну тIий ва чIумуйсса давуртту дацIан дурну тIий, ДР-лул ЗахIматрал ва социал

иширттал министерствалул хIадур буллай бур ДР-лул зузи идарартту кризисрайн къаршисса давурттавух гьуртту хьунсса укунсса чаранну (федерал бюджетрал арцух):

---

— давурттая букьансса ни­гьачIаву диллалисса идарарттал зузалт чIумуйсса зун (15 793 къуруш 1 инсаннан 6 зуруй);
— мукунссава идарарттал зузалтран жяматийсса давуртту (общественные работы) (ца инсаннан 15 793 къуруш 6 зуруй);
— давуртту дакъа личIан ни­гьачIаву дусса зузалтран цайми пишарду лахьхьин баву (25 000 къуруш инсаннан зуруй).

[dropcap]М[/dropcap]и иширттан ДР-лун итадакьинсса арцу цIана тасттикь дуллай бур, мура чIумал 5% арцул личIи дуван аьркинссар рес­публикалул бюджетравату. 2020 шинал апрельданул 1-ннийсса ккаккиярттайн бувну, республикалул 83 зузи идаралул баян бувну бур давурттая укьан уван багьну бушиву 2700 зузала. Букьан бувансса нигьачIаву ду­сса дур цаймигу 19 611 инсаннан, миннавух бусса бур щаллусса кьини къазузисса 1224 инсангу, чара къавхьуну отпускирдайн уккан увсса 593 инсангу, чIумуйсса даву дакъа, укIлай, лаглагисса 144 инсангу. Миннава­сса чIявуми бусса бур региондалул промышленнострал идарар­ттай захIмат буллалими.