Экономикалуву кризис хъанан диркIукун, цIун хьунну щавщи щай муштаринайн. Букканну базаллувух, ккакканну тагьар.
Имбирданул,
лимондалул багьри хIисавравун къаласунну, цанчирча миннул багьри хъунмурчIин дазул кьатIатува нанисса бур. ЖучIара ххяххан дайсса дукиялул багьрал тагьар укунсса дур.
Нувщи цаппара гьантрал хьхьичI ххира хьуна 30-35 къурушрайн биянцIа. ЦIана бур 25 къурушран, мяйжанссар цаппаранначIа бур 30-35-ннин кило, ми кIанттул нувщир тIий. Калан бур 15 къурушран ккилону, ятIул чимус – 30 къурушран. Яттил ва гъаттарал дикIул багьа ливчIун бур шинал дайдихьулий кунмасса – 300-320 къурушран ккило, аьнакIив – 130-140 къурушран.
Чансса ххира хьунни ппиринж ва гречка: ппиринжрал кило дур 60-70 къурушран, гречкалулсса – 80 къурушран. Ялами дукиялул сурсатру ххира хьуну дакъар.
ХI. Аьдилов
