[dropcap]М[/dropcap]артрал 17-нния байбивхьуну 27-ннийн бияннин Дагъусттаннай Виваллил иширттал министерствалул дуллан тIий бур «Тонировка» цIанилусса профилактикалул мероприятие.

А. Аьбдуллаева
ГИБДД-лул взводрал зузалт­рал дуллалисса профилактикалул мероприятиярттал мурад бур пюрунтрайх цIансса пленка бавхIусса машинартту кIул баву ва ххуллурдай ДТП-тту хьун къаритаву.
Ххалбигьавурттайн бувну, ГИБДД-лул зузалтрал щаллу бувну бур 2450-нния ливчу­сса административ протоколлу ххуллул низамрава бувксса щупIиртурал хIакъираву. Миннавух бур машиналул пюрунт­райх чани чан буллалисса пленкарду бавкьуссагу.
Мероприятиярттал лагрулий 1780 шупIирнай, ххуллул низамрал тIалавшиннарду дуруччияра тIий, дюъ дирхьуну дур.