Онкологиялул къашавайми хъин буллансса
Дагъусттаннай онкологиялул азарданул къашавайми хъин буллалисса даву лавайсса даражалийн гьаз дувансса ххуллурду-чаранну ххал
бивгьунни Дагъусттаннал цIуллушиву дуруччаврил министр Жамалуттин ХIажиибрагьимовлул ва республикалул хъунама онколог ва республикалул хъунмур азарханалул (РКБ) хъунама хIакин Гъазияв Мусаевлул ларгсса итникьини хьусса хьунабакьаврий.
П. Рамазанова
Та нюжмардий Дагъусттаннай ца бакъа бакъасса онкологиялул диспансерданийн ивуна хIукуматрал вакилтуращал министр Ж. ХIажиибрагьимов. Тиккусса тагьар ххал диргьусса мунал бувсунни онкологиялул азар чIумуй ялун личин дувансса хIарачатрай хIакинтал зуншиврул, миннан квалификация ларай дуллан багьлай бушиву. Бувсунни диспансерданул диагностикалул базалухгу къулагъас дуван багьлай бушиву.
«Гьашинува буллай байбишинтIиссар цIусса кIива корпус: облучение дуллалисса линейный ускорительлу дишинтIисса ва лучевая диагностикалул блокрансса. Мукунма магнитно- резонансная томография (МРТ), мультиспиральданул компьютерданул томография (МСКТ) дувайсса аппаратру, цифровой маммограф, рентген аппарат», — увкунни региондалул Минздраврал хъунаманал.
[dropcap]Я[/dropcap]лунчIил, 2021 шинал тIурчарив, буллай байбишинтIий бур кIива цаймигу корпусру: ПЭТ-рал (позитронно-эмиссионная томография учайссар ванийн) центр ва 150 къашайшалансса кIану бусса центр. Жамалуттин ХIажиибрагьимовлул чIурчIав дунни вай ялув кIицI ларгцири давурттив дувайхту, республикалий онкологиялул диагноз дишаврил ва хъин буваврил даву чIаланну гьаз хьунтIишиву.
