ЭлмулуцIун ва дуккаврицIун кабакьу буллан

[dropcap]Ф[/dropcap]евральданул 6-нний ДР-лул БакIчи Владимир Васильев гьуртту хьунни Госсоветрал президиумрал ва элмулул ва дуккаврил советрал батIаврий.

Муний ххал бивгьунни паччахIлугърал экономикалуха ва социал лагрулуха зунсса пишакартал хIадур бавриву регионнал бугьлагьисса кIанттурду лахъ баврил масъалартту.
Микку хъунмур къулагъас дурунни дянивмур даражалул пишарду лахьхьин баврил система ва вузирдал система экономикалул, тIалавшиннацIун, паччахIлугърал ва обществалул хьхьичIсса мурадирттацIун даркьуну душиврул масъаларттах.
Микку махъ лахълай, АьФ-лул Президент Владимир Путиннул увкунни:
— Уттигъанну Федерал Собраниялийнсса Рисалалий гьаз бувну буссия тамансса масъалар­тту, амма миннувасса ца агьаммур бия демографиялул лябуккулул масъала.

Му хъанахъиссар оьрчI-бакI ччаннай бацIан буллалисса кулпатирттацIун лайкьсса даражалийсса кабакьаву. ЦIуллушиву дуруччаврил ва социал инфраструктуралул лябукку баву. ЦIусса зузи кIанттурду дузал баву, харжру лахъсса бикIаншиврул, доход­ру гьарза дулланшиврул. ОьрчI-бакI ттизаманнул даражалий дуккин баншиврул, цинявннан архIалсса шартIру дузал даву. Демографиялул гьарца чулухасса лябукку хьуншиврул, ХIукуматран, регионнан, муниципалитетирттан граждан обществалущал, бизнесращал архIал аьркинссар даврихун багьан. Мунийн бувну ялун нанимур шинал дайдихьулий Госсоветрай ххал бигьин аьркин­ссар щалла аьмсса дуккаврил лябукку баврил масъала. ХIакьину тIурча, ва хьунабакьаврий, губернаторталгу, Советрал членталгу гьурттуну, ттул пикрилий, аьркинни регионнай лаваймур даражалул школа цIакь баврин хасъсса хIадуршиннарду дузал дуван. Микку чIярусса давуртту дурну дур, амма захIматсса масъалар­тту уттигу бувар щаллу хьун цукун хIадур буллан, студентътал цукун дуклан аьркинссарив.

«ЖучIава бур пагьму бу­сса, цалва мурадирттайн биян ччисса жагьилсса инсантал, ми жува ябан аьркинссар ва миннал аькьлу-кIулшиву аьч дуван­сса шартIру дузал дуван аьркин­ссар. Мунияту, ттул пикрилий, аьркинссар элмулуву хьун дуллали­сса хьхьичIуннайшивурттахлусса, творчествалул хIасиллахсса кумаг­рал дуцин хъун дуллан. Му жура дуванну яла гъансса чIумул му­тталий, — увкунни Владимир Путиннул.