«Жул Дагъусттан»

«Жул Дагъусттан»

Каспийскалийсса Аьрасатнал халкьуннал аслийсса культуралул центрданий хьунни ДАССР сакин хьуну 99 шин шаврин хас дурсса шадлугъ.


Ва Центрданул ва шагьрулул ЦБС-лул 4-мур филиалданул хIадур дурну дия. Шикку гьуртту хьунни шагьрулул 1-мур школалул дуклаки оьрчIру ва учительтал.
Шадлугъ тIитIлай, Центрданул директор Башикар Гадаевал барча дунни бавтIминнахь му кьини, бувсунни му байрандалул мархрая.
ЦБС-рал методист Зугьра Давудовалгу бувсунни автономия кьамул даврия, 1920-ку шинал ноябрьданул 13-нний Темир-Хан-Щурагь хьусса Дагъусттаннал халкьуннал съездрая байбивхьуну. Бувсунни микку Совет хIукуматрал цIания махъ лавхъун бивкIшиву миллатирттал Наркомну ивкIсса И.В. Сталиннул.
БавтIминнал ххал дунни «Да­гъусттан» цIанилусса видеофильмгу, библиотекалул зузалтрал ва кьинилун хасну хIадур дурсса выставкагу, дуклаки оьрчIал дурккунни ватандалуха назмурду.
* * *
Укуннасса батIаву хьунни Каспийскаллал ЦБС-рал 2-мур филиалданийгу. Муний гьуртту хьунни шагьрулул 6-мур школалул дуклаки оьрчIру ва миннал каялувчи Аьйшат Абакарова, школалул библиотекарь Зумруд Аьбдуллаева, тарихчи Ися Аьзиев, 2-мур филиалданул каялувчи Гулмира Ажуева. Шиккугу хьунни Да­гъусттан Республикалул лавгмуниясса, мунил тарихрал чIапIив чичлай бивкIсса ва хIакьинусса кьини­сса ххалли-ххаллилсса инсантураясса ихтилатру.

Бадрижамал Аьлиева

Читайте также: