МахIачкъала шагьрулул клиникалул азарханалул волонтертурал «Феникс» тIисса цIанилусса корпусрал сакин буллай бур Хъун дяъвилул ва захIматрал ветерантурал цIуллу-сагъшиврул ялув бацIантIисса бригада.
Бадрижамал Аьлиев
Азарханалул хIакинтурал бусаврийн бувну, ва акция вайннал дуллай бур «Бив­кIу ба­къасса полк» тIисса цIанилусса жяматийсса организациялул региондалул отделениялущал цачIуну. Акциялул лагрулий цаппара­сса хIакинтурая (терапевт, невролог, хирург, хIакин-гериатр ва м.ц.) сакин хьусса бригадалул ххал дуллантIиссар ветерантурал цIуллу-сагъшиврул тагьар. Гьарца кьини хIакинтал ва медициналул корпусрал волонтертал биллантIиссар ветерантурачIан, чара бакъасса иш буний, азарханардай уттубишин буллантIиссар ветерантал.
Акция дуллалиминнал агьаммур мурад бур ччимур чIумал поликлиникалийн, хIакинтурал кумаграл хъирив буккан къашай­сса Хъун дяъвилул ва захIматрал ветерантурал цIуллу-сагъшиврул ялув бацIаву.