Декабрьданул 3-нний кIицI лагайссар Халкьуннал дянивсса мушакъатсса, цIуллу-сагъшиврул ссуссукьусса агьалинал кьини.
Ва кьинилун хасну Каспийскалийгу укунсса 120 инсан гьурттусса хъуннасса батIаву-шадлугъ хьунни, вайннавух – 50 оьрчIгу. Шадлугъравух мукунма гьуртту хьунни шагьрулул администрациялул, рахIму-цIимилул фондирттал, жяматийсса сакиншиннардал вакилталгу.
З. АьбдурахIманова
[dropcap]С[/dropcap]акиншинначитурал хъамаллуран ккаккан дурунни хъуннасса концерт ва хъамалу бунни нахIу-нацIушивурттал ссупрардах. Шадлугърал ахирданий мушакъатсса халкьуннайх дарчIунни дакIний личIансса бахшишругу.
Шиккува кIицI лаган, ва кьини Дагъусттаннал ЗахIматрал ва социал хьхьичIуннайшивурттал министерствалул цала циняв идарарттай дувайссар укунсса журалул шадлугъру ва оьрчIансса тяхъашивуртту.
