[dropcap]Н[/dropcap]оябрьданул 27-нния 30-ннийн бияннин Къумторкъалаллал райондалийсса «Сарыкъум» бизнес-отельданий хьунни Ухссавнил Ккавкказуллал «Мирный Кавказ» тIисса цIанилусса форум.
Муний гьуртту хьунни ДР-лул жагьилтурал иширттал министр Камил Саидов, мунал хъиривчу Сиражуттин ХIалимов, Дагъусттан Республикалул БакIчинал хъиривчу Камил Ланда ва м.ц.
Бадрижамал Аьлиева
[dropcap]Ф[/dropcap]орум хьунни «2018-2020-ку шиннардийнсса Дагъусттан Республикалий терроризмалул идеологиялийн къарши бацIаврил комплексрал программа» щаллу даврил лагрулий.
Форум сакин бувну бия ДР-лул Жагьилтурал министерствалул, Террорданийн къаршисса Экспертрал комиссиялул, Информатизациялул, дахIаврил ва массовый коммуникациярттал министерствалул, Дагъусттаннал паччахIлугърал халкьуннал хозяйствалул университетрал чIарав бацIаврийну.
Гьашинумур форумрай хъуннасса къулагъас дуллай бия жагьилтуран цала оьрмулул позиция язи бугьан кIулну бикIаврих. Жагьилтал экстремистътурал ва террористътурал ккураннавун кIункIу баврил хьхьичIалу кьукьаврин хас дурсса цалла проектру экспертътуран ккаккан дунни гьурттучитурал.
— Нагу гьуртту хьура ми проектру дуручлачисса батIаврий ва даши дирзунни жагьилтурал сиптарду. Жул агьаммур мурад экстремизмалийн ва терроризмалийн къарши бацIаврил цIусса шачIанттуйн лахъавур ва му мурадгу бартлавгхьунссар тIисса умуд бур. Дурмуний гьашиву къадурну, жува чIумущал ца шаттирай хьхьичIунмай бачин аьркинссару, — увкунни Камил Саидовлул.
Форумрай хьунни сессияртту, тIивтIусса лекцияртту, презентацияртту, дебатру, дискуссиярттал майданну.
Ва давривух гьуртту хьунни 150-нния ливчусса инсантал.
Ахирданий ххув хьуминнан бахшишру ва цинявппагу гьурттучитуран сертификатру дуллалисса батIаву хьунни.
