[dropcap]О[/dropcap]ктябрь зурул 31-нний МахIачкъалалив Автомобильнодорожный колледжраву хьунни педагогикалул элмурдал кандидат, профессор, АьФ-лул ва ДР-лул лайкь хьусса учитель,
АьФлул лайкь хьусса тренер, Сайпуллагьлул арс Амир Амировлул «Подвиг во имя Родины» тIисса луттирал презентация.
Ва даврил сакиншинначиталну бия ДР-лул Жяматийсса палаталул член, «Дагъусттаннал уздантал» тIисса жяматийсса идаралул хъунама маслихIатчи Керимхан Умаханов ва колледжрал пишакартал.
[dropcap]Ш[/dropcap]икку гьуртту хьунни луттиран хьхьичIмахъ чивчусса «Всеобщая история» журналданул редактор АьвдурахIман Аьлилов,
изобретатель, аьлимчу Халид ХIамидов, ДГУНХ-рал проректор МахIаммад МахIаммадов, Солдатътурал ниттихъал комитетрал председатель Зульфия МахIаммадова, Ахъушиял райондалийсса ХIинтIиял шяраваллил бакIчи МахIаммадсадикь Багьатиров, тарихрал элмурдал
кандидат МахIаммад-ХIанапи МахIаммадов, колледжрал преподавательтал, выпускниктал, студентътал ва цаймигу бусравсса хъамал. Презентациялул мажлис бачин бувсса Керимхан Умахановлул кIицI лавгунни Амир Амиров бусса оьрму колледжраву зий гьан бувсса, цикссагу Аьрасатнал ва олимпий даражалул чемпионтал хIадур бувсса инсан ушиву.
Амир Амировлул луттираву бур чIярусса шиннардил захIмат. Ванал, хъирив лавну,
кIул бувну, чивчуну бур Буттал КIанттул цIанийсса Хъун дяъвилий, Авгъаннаву, Чачаннаву ва цаймигу талатавуртту най диркIсса кIанттурдай гьуртту хьусса, колледжраву зий бивкIсса ва дуклай бивкIсса къучагъсса выпускниктурал оьрмурдая. Бувсун бур Совет Союзрал вирттал – Николай Земцовлул, Петр Крутовлул ва Славалул ордендалул кавалер Хизрибаг МахIаммадовлул дурсса чувшивурттая.
[dropcap]В[/dropcap]ирттаврал гьунарду абад буллалисса лугу бур ванал цала харжирацIух итабавкьуну. КIицI къалавгун къабучIир укун сахаватлувсса давуртту дангу унгуунугусса патриот икIан аьркиншиву. Ялун нанисса никирангу ва лу хъуннасса бахшишну хъанахъиссар.
Презентациялийн бувкIминнал ихтилатирттайнугу исват хъанай бия Амир архIал зузиминнал ва цаймигу творчествалул интеллигенциялул дянив
хIурмат-кьиматрай ушиву. 1984 шинал Автодорожный колледж къуртал бувсса МахIаммадов Эдмоннунгу кьисмат хьуну бивкIун бур Авгъаннавусса дяъвилий гьуртту хьун.
1985 шинал август зуруй душмантурал луркIандалухьхьун дирирсса Эдмон хIаласса кьюкьа нигьачIавривун дагьну диркIун дур.
Амма Эдмоннул, цала оьрмулий хIайп къаувкуну, ххассал увну ивкIун ур кьюкьлул командир. Верховный Советрал Президиумрал хIукмулийн бувну, дуллуну дур ванан ЯтIул ЦIукул орден. Тания шихун май, колледжраву хъанахъисса
мероприятиярттацIун мудан кабакьу буллай, чIарав бацIлай бур Эдмоннул нину, Солдатътурал ниттихъал комитетрал председатель Зульфия МахIаммадова.
[dropcap]В[/dropcap]анил барчаллагь увкуна укун ххаллилсса луттираву цила арсная чичаврихлу.
Х халлилсса луттиран лайкьсса кьимат бишлашисса ихтилатру бунни профессор МахIаммад Багьауттиновлул, ДР-лул информатизациялул ва связьрал министрнал хъиривчу МахIаммадбаг АхIмадовлул ва
мукунма цайминналгу. Ахирданий резентациялийн бувкIминнахь барчаллагь тIутIисса ихтилат бунни луттирал автор Амир Амировлул. Ванал бувсунни 1971 шиная шинай цува луттиравунсса информация батIлай ивкIшиву ва уттиния тихунайгу колледжрал выпускниктурал тарих батIаврил даву дарцIуну дакъашиву.
Авадансса бур Амир Сайпулаевич биографиягу. Увну ур ва Лакрал райондалийсса Ххюлуссуннал шяраву.
Гъумук мусил медальданущал школагу къуртал бувну, дуклан увххун ур Дагъусттаннал паччахIлугърал университетрал радио-техникалул факультетрайн. Дуккаву къуртал дайхту, Амир най унува преподавательну кьамул увну ур Автодорожный колледжравун. Тания шихунай колледжраву зий хьуну дур ванал сайки 50 шин. Миннува 31 шин хьуну дур колледжрал директорнал хъиривчуну зий. Жаваблувсса даврий зий унува, цIанасса чIумалгу архIала дачин дурну ур оьрчIащалсса спортрал давугу. Колледжрал директорнал хъиривчуну зузисса шиннардий ванал итабавкьуну бур чIявусса учебникру, пособияртту, лабораториялул практикалун аьркинсса материаллу дусса сборникру.
Мукуна ва ур цикссагу элмийсса методикалул ахттаршиннардал авторгу. Аьрасатнал Естествознаниялул Академиялул Президиумрал хIукмулийн бувну, лайкь хьуну ур В.И. Вернадскийл цIанийсса ва Албфред Нобеллул цIанийсса премиятирттан.
Элмийсса техникалул творчествалуву чIалачIи дурсса ккаккиярттахлу дуллуну дур СССРданул ВДНХ-лул арцул медаль. Лайкь хьуну ур ДР-лул Президентнал цIакусса ссятран, «За доблестный труд» тIисса медальданун.
