«Аьрасатнал яла ххуймур школа» тIисса билаят­рал конкурсрал лауреат хьуну бур Каспийскаллал 9-мур школагу.

[dropcap]В[/dropcap]а конкурсрал сакиншинначитурал аьмсса комиссиялул хIукмулийн бувну, школалун Аьрасатнал Виричусса пограничниктурал цIа дулун кка­ккан бувну бур.

Каспийскаллал бакIчи МахIаммад Аьбдуллаевлул ва бусравсса конкурсрал лауреат хьушиврул Дипломгу, «Шинал директор – 2019» тIисса ХIурматрал лишангу дуллунни ва школалул директорну зузисса, Хъюйннал шяраватусса, РахIимлул арс ХIажиев Сергейн.

Цала шагьрулулгу, школалулгу цIа гьаз дуван бивхьу­сса захIматрахгу барчаллагь тIий, шагьрулул бакIчинал чIа увкунни Сергей ХIажиевлун ва ванал щалагу коллективран цIуллушиву ва каши-кьудрат.

З. АьбдурахIманова