Агар оьрму булаймур
Нину къадиркIссания,
Я ччаву, ягу талихI
Жунма ххал къахьунссия.
Укунсса мукъурттийну тIивтIуна ЧIяйннал культуралул къатлул каялувчи Алхасова СалихIатлул Ниттил кьинилун хас бувсса мажлис. Ва кьини Аьрасатнал агьалинал гьарца шинах кIицI лагай махъра-махъсса алхIаткьини.Ва байран давугу дайдирхьуну дур 1999-ку шиная шиннай, Алевтина Апаринал хIукмулийну. Цуппагу га чIумал ва зий бивкIун бур Хъаннил, кулпатрал ва жагьилтурал иширтталсса байсса комитетрал хъунмурну.
[dropcap]В[/dropcap]а кьинилун хас бувсса мажлисрайн ЧIяйннал культуралул къатлувун бавтIун бия шяравусса чIявусса ниттихъул ва оьрчI-душру. КIицI дан ччива шяраваллил жяматрал хIурмат лавайсса ниттихъал цIарду: КьурбанмахIаммадова Самиржигьан, Рамазанова Сиянат, СалихIова Сабрина, Шагьабуттинова Гуля, Юсупова Камилат, МахIаммадова Асият ва цаймигу. Махъру лахълай, циняв кувннан кув чIа тIий бия цIуллушиву, талихI, оьрчIаясса тирхханну. Мажлисрал гур дагьан дуллай бия балайчитал ва къавтIалт.
Укунмасса мажлис бунни ЧIяйннал библиотекалул каялувчи Ибрагьимова Гурсаланнулгу. Шиккусса чяйлухунсса ихтилатругу дакIнихтунусса бия.
Арсен Аьбдуллаев
