Юсуплул арс Аьлимов СалихI

А. Къапиевлул цIанийсса Лакрал паччахIлугърал музыкалул ва драмалул театр, хъунна­сса кьурчIишивугу кIидачIлай,

 дакIнихтунусса жижара буллай бур чIярусса шиннардий театр­дануву зий ивкIсса Аьлимов СалихI Юсуплул арснал кулпатрахь, арсурваврахь ва гъан-маччаминнахь.


Б. Щукиннул цIанийсса лаваймур театрал училищалул Лакрал студия къуртал бувну махъ СалихI зий ивкIссар Лакрал театрданул актерну, 1970-1974 ва 1985-1989 шиннардий зий ивкIссар Лакрал театрданул директорну, 1974-1976 шиннардий – Дагъусттаннал балайлул ва къавтIаврил ансамбльданул директорну.
Ва хъанай ур ДР-лул Театрал ишккаккултрал союзрал ва Чичултрал союзрал член.
Ванал чивчуну, дунияллийн бувкссар театрал магьирлугъран хас бувсса луттирдугу.
Дарс дихьлай ивкIссар рес­публикалул ВУЗирдаву.
СалихIлул рухI хъинний дишиннав, алжаннул ххари аннав!

Лакрал театрданул
коллектив


Ибайдуллагьлул душ ХIусниева Аьбидат

Декабрь зурул 3-нний, хъунмасса хIаллай къашавайгу бивкIун, оьрмулул 92 шинаву, дунияллия лавгунни хIакьсса зунттал хъамитайпа, Хьурттал шяраватусса Ибайдуллагьлул душ ХIусниева (Сулайманова) Аьбидат.

Аьбидат бувну бур 1927-ку шинал Хьурттал шяраву. 1944-ку шинал Гъумучиял дянивмур даражалул школагу къуртал бувну, зун бивкIун бур Райсобесрай Ла­ккуй. 1945-ку шинал, педагогикалул курсругу бувккуну, зун бивкIун бур цал учительну, яла Хьурттал байбихьулул школалул директорну 1953 шинайн бияннин.
1953-1957 шиннардий къуртал бувну бур Хъаннил пединститутрал физикалул ва математикалул факультет. Муния махъ, пенсиялийн букканцIа, дарс дихьлай бивкIун бур МахIачкъалаллал 6-мур школалий.

Аьбидат бия хъинну инсаншиву дусса, гьарцаннащал хIал бавкьусса хъамитайпа.
Аьбидатлул бивкIулул кьур­чIишивугу кIидачIлай, жижара буллай буру ванил арсваврахь, душнихь, оьрчIал оьрчIахь ва махъсса цинявппагу гъан-маччаминнахь.
Цил бунагьирттал аьпа баннав, рухI алжаннул ххари даннав.

Хьурттал, Гъумучиял,
Кумиял жямат


Багъданнул арс Буттаев Бутта

Лавгунни жула дянивату экономикалул элмурдал кандидат, СССР-данул Журналистурал союзрал член, ДР-лул культуралул лайкь хьусса зузала, Багъданнул арс Бу­ттаев Бутта.

Увну ур Бутта 1934-кусса шинал Лаккуй ЧIурттащиял шяраву. 1959-ку шинал, Дагъусттаннал шяраваллил хозяйствалул институт къуртал бувну махъ, ва машхул хьуну ур журналистнал даврихун, зий ивкIун ур «Комсомолец Дагестана» ва «Дагестанская правда» кказитирттай, Дагъусттаннал телевидениялий, «Советская Ро­ссия» кказитрал спецкорреспондентну. 1965 шинал Экономикалул институтрал аспирантурагу був­ккуну, ванал дурурччуну дур кандидатнал диссертация.
1976-ку шиная шинай зий ивкIун ур Щалагу Аьрасатнал Шяраваллил хозяйствалул экономикалул элмийсса хъиривлаявур­ттал институтраву.
Бутта Буттаевлул чивчуну, чивун бувкссар Дагъусттаннал вир­ттавран ва цIанихсса инсантуран хас бувсса 10-нния ливчу­сса лу­ттирду.
ЧIярусса шиннардий Бутта чялишсса гьурттушиву дуллай ивкIссар Москавуллал «Дагъус­ттан» культуралул центрданул дуллалисса агьамсса давурттавух.
«Дагъусттан» культуралул центрданул президент Арсен ХIусайнов ТIагьир Аьлишаевлущал архIал дакIнихтунусса жижара буллай буру Буттал кулпат Вера Сергеевахь, ссихь Казимат Булаевахь, арснахь Булатлухь ва махъсса цинявппагу гъан-маччаминнахь.
Буттал бунагьирттал аьпа баннав, рухI бигьаний дишиннав.

Москавуллал «Дагъусттан»
культуралул центр


ЧIурттащиял жяматран кьувтIунни вай гьантрай Москавлив машгьурсса журналист, экономикалул элмурдал кандидат, гьунар бусса публицист, ЧIурттащиял шяраватусса

Бутта Буттаев
дунияллия лагаврил хавар. Ва ия мяйжаннугу цала даву дю­хъан дурну дуллалисса, кьалам усттарну зузи бувну, лак машгьур буллалисса инсан, интеллигент, цала гьунарданул ва хIурматрал гьаз увсса.
ДакIнихтунусса кьурчIишивугу кIидачIлай, жижара буллай буру ванал арснахь Булатлухь, ссихь Казимат Булаевахь, уссурссуннал наслулухь, гъан-маччацириннахь. Багъдадлул арс Буттал рухI хъинний дишиннав, алжаннул ххари уваннав!
ЧIурттащиял жямат


ДакIнихтунусса пашманшивугу кIидачIлай, жижара буллай буру машгьурсса журналист

Бутта Буттаевлул
ляхъиндалухь. Ва, цIанихсса пагьламантурая ва Совет Союзрал кIийла Виричу АхIмад-Хан Султаннуя луттирду чивчусса автор хIисаврай, жул жяматрал дянивгу хIурматрай уссия. ЦIувкIуллал шяравун байрандалийн оьвкуну, «шяраваллил Бусравсса гражданин» тIисса цIагу дуллуну, лахъа-хъун увссия. Ванал цIа ЦIувкIуллал тарихраву хьхьичIххуттай личIантIиссар. Махъминнахьхьун цIуллушиву дулуннав!
1- мур ЦIувкIуллал жямат