Декабрьданул 8-нний Дагъусттаннай хьунтIиссар «WORLD FOLK VISION» тIисса цIанилусса щаллагу дунияллулмиллатирттал культуралул ва искусствалул фестиваль-конкурсрал язи бугьлагьисса ятIап.

Бадрижамал Аьлиева
Му кьини, ссят 10-нния 17.00 хьуннин, Дарбантлив С. Стальскийл цIанийсса Лазгиял музыкалул ва драмалул театрдануву хьунтIиссар хьхьичIунми, лайкьми язи бугьлагьисса шадлугъ. Гала-концерт ва ххув хьуминнан бахшишру дуллалисса батIаву хьунтIиссар мура кьини ссят 19.00 хьуну.
Аьрасатнал национал ятIапрай ххув хьуми 2020 шинал 23-мур февральдания март­рал 20-ннийн бияннин Саудуллал Аьрабусттаннай Эр-Рияд шагьрулий хьун нани­сса «WORLD FOLK VISION» тIисса цIанилусса щаллагу дунияллул миллатирттал культуралул ва искусствалул фестиваль-конкурсрай Аьрасатнал Федерациялул чулуха буккантIиссар сахIналийн.