Декабрьданул 19-нний МахIачкъалалив хьунни ДР-лул Халкьуннал Мажлисрал 41-мур сессия. Му бачин бувну ия парламентрал спикер Хизри Шихсаэдов.
Сессиялий ххал бивгьунни 17 масъала. Миннувату 5 закондалул проект дакьин дурунни федерал законнацIун. КIилчин дурккуну, ххал диргьунни 9 закондалул проект, кIилчин дурккуну, ххал диргьунни 1 закондалул проект, цалчин дурккуну – 3. Мукунна кьамул дунни 3 хIукмулул проект.
Ххал бивгьусса масъаларттавасса ца яла агьаммур бия «2020 шинайнсса ва пландалий ккаккан дурсса 2021 ва 2022 шиннардийнсса Дагъусттан Республикалул бюджетрал хIакъираву» тIисса ДР-лул закондалул проект.
Мунил хIакъираву аьщу-ххуттай авцIусса доклад бунни ДР-лул ХIукуматрал Председательнал цалчинма хъиривчу ХIажимахIаммад ХIусайновлул.
Сессиялул даврия гьарза-гьартану бусанну хъиривмур номерданий.
