Декабрьданул 11-нний ДР-лул Халкьуннал Мажлисрал Председатель Хизри Шихсаэдов увкIунни республикалул парламентрал
хIурмат бусса депутат Гъази ГъазиевлучIан шавай, мунан «Дунияллул халкьуннал дянивсса бандформированиялул кьюкьри ххит дуккан дурну 20 шин шаву» тIисса юбилейрал медаль дулун.
Парламентрал спикернащал архIал бувкIунни ДР-лул Халкьуннал Мажлисрал Председательнал хъиривчу Камил Давдиев, ДР-лул БакIчинал ва ХIукуматрал Администрациялул паччахIлугърал къуллугърал, зузалтрал ва паччахIлугърал наградарттал масъаларттал управлениялул хъунама Артур Исрапилов, республикалул парламентрал хIурматрайсса депутат Жамалуттин Аьлиев.
Хизри Шихсаидовлул бувсунни гай аварасса, захIматсса шиннардий Гъази Мулинович зий ивкIшиву Ухссавнил Ккавкказуллал муххал ххуллул МахIачкъалаллал отделениялул хъунаману, ми бацIаву дакъа ххилай бивкIшиву аьралуннал кьай-кьуй Дагъусттаннайн.
Гъази-Гъазиевлул барчаллагь увкунни цахра дурсса къулагъасрахлу.
ХIадур бувссар
ХI. Аьдиловлул
