Исмяйл арс Тажир Маммаев
Вай гьантрай оьрмулул аргъираву дунияллия лавгунни Кумиял шяравасса Исмяйл ва Гъумучатусса Дибировхъал агьлу-авладраясса Людмилал арс Тажир Маммаев.
Увну ур Тажир 1969 шинал апрель зурул 9-нний МахIачкъалалив. Къуртал бувну бур МахIачкъалаллал 7-мур школа. ЧIярусса шиннардий зий ивкIун ур водоканалданул идаралий. Махъсса шиннардий зий уссия таксистну.
Тажир ия дакI-аьмал хъинсса, хасиятрал аьчухсса жагьил. Дустураха чIалачIин дакъая, кумаг аьркиннал чIарав ацIан хIадурну икIайва. Тажир ххирая дустуран ва гъан-маччанан. Ва аьпалул шаврил кьурчIишиву кIидачIлай, жижара буллай буру ниттихь, ссурваврахь, душнихь, махъсса гъан-маччанахь.
РухI хъинний дишиннав, алжан нясив баннав. Махъминнал оьрмурдай барачат бишиннав.
Дустал, гьалмахтал,
гъан-маччами
КьурбанмахIаммадлул арс ХIасанхIусайнов Сулайман
Вай гьантрай дунияллия лавгунни 1-мур ЦIувкIратусса хIакьсса зунтталчу, захIматрал ветеран, КьурбанмахIаммадлул арс ХIасанхIусайнов Сулайман.
Сулайман увссар ЦIувкIрав 1952 шинал. АцIва классгу кIиккува къуртал бувну, Каспийскалий «Дагдизель» заводрай сварщикну зий байбивхьуну бур ванал захIматрал ххуллу. Заводрай зий ивкIун ур 30 шинал лажиндарай, пенсиялийн укканнин. Яла лараймур даражалул цIагу ларсун, жагьилсса сварщиктурангу даву лахьхьин дуллалисса наставник хIисаврайгу, заводрал хъуниминнаву ва архIал зузиминнаву бусравну уссия. Ва шагьрулул комсомолданул бюрорал членнугу уссия, ВДНХ-лий арцул медальданун лайкь хьуссия, мусил лишандалунгу лайкь хьуссия. Ванал цIагу, суратгу шагьрулул захIматчитурал ХIурматрал улттуя хIура къархьуссия.Каспийскалийсса лакрал ва буттал шяраваллил жяматрал иширттавух мудан чялишну хIала уххайссия.
Сулайман дунияллия лагаврил кьурчIишиву кIидачIлай, жижара буллай буру ванал кулпатрахь Зумрутлухь, арсурваврахь Рустамлухь, Арсланнухь, душнихь Жамилахь, уссихь Марселлухь, ссурваврахь Саидатлухь, Людмилахь, Гульнарахь ва цинявппагу гъан- маччацириннахь. Сулайманнул аьпа баннав, гьав нурданул дуцIиннав, рухI алжаннул ххари дуваннав.
1- мур ЦIувкIуллал жямат
АхIмадлул арс Къаранов Аьвдуллагь
Вай гьантрай хар-хавар бакъа дунияллия лавгунни бусравсса лаккучу, Къарановхъал Аьвдуллагь.
Увну ур Аьвдуллагь 1956-ку шинал Чапаевкалий. ЦIуссалаккуй дянивмур даражалул школа къуртал бувну махъ лавгун ур армиялийн, шанна шинай къуллугъ буллай ивкIун ур Германнаву. Зана хьуну махъ къуртал бувну бур Дагъусттаннал политех институтрал строительствалул факультет. Зий ивкIун ур мастер-строительну Новолакрал МСО-лий.
1991-ку шинал «Новострой» трест зун дайдирхьуния шинай зий ивкIссар участокрал хъунаману. 2003-ку шиная шинай зий уссия Новолакрай ххуллурдал отделданий инженерну. Аьвдуллагьлул хIалал дурссар «Дагъусттаннал лайкь хьусса строитель» тIисса бусравсса цIагу.
Чув ци къуллугърай зурчагу, ванал инсаншиврия, аьчухшиврия, дакI марцIшиврия тIийнма бикIайва кIулцири. Ванан хъинну ххирая цала гъан-маччами, дустал, гьалмахтал.
Аьвдуллагь дунияллия лагаврил кьурчIишиву кIидачIлай, жижара буллай буру ванал кулпатрахь ХIурубичахь, арснахь АхIмадлухь, душнихь Мадинахь, арснал кулпатрахь Умахь, цинявппагу гъан-маччанахь.
Цал бунагьирттал аьпа баннав, рухI алжаннул ххари даннав, мунан бакъамур оьрчIан булуннав. Амин!
Чапаевкаллал жямат,
дустал, гьалмахтал
Хъуннасса кьурчIишивугу кIидачIлай, жижара буллай буру, ГьунчIукьатIрал хIурмат лавайсса, итххявхсса, шяраваллил цIа гьаз дуллалисса арамтуравасса ца чув –
ХIажимирзал арс
ХIажимирзаев Сиражуттин
хар-хавар бакъа жуятува личIи шаврийн бувну, Сиражуттиннуя бивзминнахь, уссурваврахь ва щалвагу агьлу-авладрахь.
Мунан къабуллумур оьрмулул бутIа Заннал зун ххи баннав, Сиражуттингу алжаннул ххари аннав, гьав нурданул дуцIиннав.
ГьунчIукьатIрал школданул учительтурал коллектив
Хъуннасса кьурчIишиву кIидачIлай, жижара буллай буру Читтурдал шяравасса Айманат Къушиевахь ва щалагу Къушиевхъал агьлу-авладрахь, вайннал аьзизсса арс
Альберт
жагьилсса оьрмулий жуятува личIи шаврийн бувну.
РухI алжаннул ххари даннав, гьав нурданул дуцIиннав, ванан къабуллусса оьрму оьрчIан, оьрчIал оьрчIан, уссурссуннан булуннав.
Ва захIматсса бивкIулул кьурчIишиву духIансса ссавур дулуннав.
М. Илиясовал цIанийсса ихIсандалул фонд «Дараччи»
Хъуннасса пашманшивугу кIидачIлай, жижара буллай буру Бава Къушиевахь ва цинявппагу гъан-маччанахь, вайннал куяв
Альберт
оьрмулул къаувччунува дунияллия лагаврийн бувну. РухI хъинний дишиннав, пирдавс алжан нясив баннав. Махъсса цинявннал оьрмурдай барачат бишиннав.
М. Илиясовал цIанийсса ихIсандалул фонд «Дараччи»
