[dropcap]О[/dropcap]ктябрьданул 1-нний Ися Идавсил цIанийсса РувхIаний центр буллалисса кIанттай хьунни мурхьру бугьлагьисса акция.
П. Рамазанова
Ва даврил сиптачиталну бия Дагъусттаннал Национал политикалул ва динийсса иширттал министерство. Мурхьру бугьан бувкминнавух бия ДР-лул ХIукуматрал Председатель Артём Здунов, ХIукуматрал ва БакIчинал администрациялул хъунама Владимир Иванов, национал политикалул ва динийсса иширттал министр Энрик Муслимов, Дагъусттаннал муфти АхIмад- хIажи Аьбдуллаев, архиепископ Варлаам, ягьудинал ккурандалул хъунама Валерий Дибияев, МахIачкъалаллал мэр Салман Дадаев ва Дунияллул халкьуннал ва диннал дянивсса форумрай гьуртту хъанахъими.
Энрик Муслимовлул кIицI лавгуна ва акциягу хъанахъишиву республикалул хъунама Владимир Васильевлул гьану бивзсса «Щюллисса километрарду» тIисса акциялул лагрулийсса давуну.
Шаннагу диндалул вакилтурал бувгьунни 200 мурхь. Мурхьру бувгьуну махъ цинявннал РувхIаний центр буллалисса кIантту ххал буллалисса экскурсиягу бунни.
