[dropcap]О[/dropcap]ктябрьданул 16-нний ДР-лул БакIчи Владимир Васильев хьунаавкьунни «Аьрасатнал каялувчитал» тIисса конкурсрал финалистътуращал,
«Ттул Дагъусттан» тIисса кадрардал проектраву ххув хьуминнащал ва финалистътуращал, мукунма ДР-лул кадрардал луртандалущал.
БавтIминнал хьхьичI махъ лахълай, Владимир Васильевлул бувсунни «Аьрасатнал каялувчитал» тIисса конкурс шамулчин буллалишиву ва муний пагьму бусса каялувчитураща бюхълай бушиву тасттикь буван цивппа хьхьичIунсса пишакартал бушиву.
Мунал тIимунийну, гьашину личIи-личIисса социал масъалартту бартбигьин личIи дурну дур шамлийну ххишаласса арцу республикалул ва федерал бюджетирттавагу.
Ми конкурсирттай ххув хьуми ва финалистътал бивтун бур министерстварттай ва идарарттай каялувшиврул къуллугъирттай. ЦIанасса ппурттуву пагьму-гьунар бусса инсантураща бюхълай бур ккаккан буван цалва бюхъу, бажар. Кадрардал конкурсирттай кIул хъанай бур миккусса гьурттучитурал пагьму-гьунар. Яла миннал дянив ихтилат хьунни Республикалул социал-экономикалул масъаларттал ва жяматийсса сиптардацIун ка бакьаврил хIакъираву.
