Дагъусттаннал КIулшиву дулаврил ва элмулул министерствалул баян бунни гьашинусса шин къуртал хьуннин Дагъусттаннай 315 ятинсса оьрчIан квартирарду буллуну дузал бувантIишиву.
Ларгсса шинал 313 ятинсса оьрчIан буллуну бур квартирарду, 2017 шинал – 322 инсаннан. Министерствалул вакилнал бувсмунийн бувну, мукунсса квартирардал тагьар ххал дигьайсса дур муниципалитетирттал хасну ва иширал ялув бацIаншиврул сакин бувсса комиссиярттал.
Вай комиссиярттугу кIулшиву дулаврил ва элмулул министр Уммупазил Оьмаровал тIалавшиндарайн бувну сакин бувну бусса бур. Аьмну Дагъусттаннай бусса бур нитти-буттахъул бакъа ливчIсса 4740 оьрчI. МахIачкъалаллал администрациялул хъунаманал хъиривчу Аьвдулмуъмин Ибрагьимовлулгу баян бунни МахIачкъалалив ятинсса оьрчIан 41 квартира булунтIишиву.
