Сентябрьданул 4-нний ДР-лул БакIчинан ккаккан увунни Аьрасатнал Президентнал СКФО-райсса вакилнал аппаратрал хъунама федерал инспектор Александр Степанов.
А. Степановлул оьрмулия кутIану бувсунни АьФ-лул Президентнал СКФО-райсса вакилнал хъиривчу Игорь Рыбковлул. Мунал тIимунийну, Александр Сергеевич Степанов увну ур Дагъусттаннай 1974 шинал.
Мунал бувккуну бур 2 вуз. Зий ивкIун ур МВД-лул органнаву, яла – прокуратуралул органнай личIи-личIисса къуллугъирттай. Махъва-махъсса къуллугъ – Москавуллал региондалул транспортрал прокуратуралул прокурорнал хъиривчу. ДР-лул БакIчи Владимир Васильевлул цIуну ивтсса федерал инспектор кIул увунни республикалул законодател ва исполнител органнал каялувчитуращал, виваллил иширттал органнал, прокуратуралул, судирттал органнал, таможнилул къуллугърал, МЧС-рал ва цаймигу идарарттал каялувчитуращал.
