[dropcap]С[/dropcap]ентябрьданул 24-28-нний Дагъусттаннай, Каспий хьхьирицI, хьунтIиссар аьдатравун багьсса дунияллул халкьуннал жагьилтурал дянивсса «Каспий – 2019» тIисса форум.
Бадрижамал Аьлиева
Ва хъанахъиссар социал ва кIулшиву дулаврил журалул проект, цувгу тIайла дурсса Каспий хьхьирицIухсса паччахIлугъирттал ва Аьрасатнал Федерациялул регионнал жагьилтурал структурарттал бакIчитурал, лидертурал конкуренция ларай даврийн, мукунна жагьилтуращалсса даврил цIу-цIусса моделлу ххал дигьаврийн.
Форумрал давривух гьуртту хьунтIиссар 660 инсан – Дагъусттаннаясса, Ухссавнил Ккавкказуллал федерал округрал регионнаясса, Аьрасатнал субъектирдаясса, Каспий хьхьирицIухсса ва дазул кьатIувсса гъанми билаятирттаясса жагьилтал.
Форумрал даву дачинтIиссар личIи-личIисса ххуллурдай:
— Жагьилсса лидертал;
— Жагьилсса пишакартал;
— Жагьилсса ишбажаранчитал;
— Жагьилтурал медиа.
Форумрал сакиншиндаралсса буллалиссар Дагъусттан Республикалул Жагьилтурал иширтталсса байсса министерствалул Дагъусттан Республикалул ХIукуматращал ва Жагьилтурал иширтталсса бувайсса Федерал агентствалущал.
