Вай гьантрай Грознайлий хьунни Ккавкказуллал халкьуннал культуралул ва спортрал 10-мур фестиваль.
Муний Дагъусттаннал командалул бувгьунни 2-мур кIану. Ххув хьунни фестивальданул заллухъру – чачаннал спортсментал, шамилчинмур кIану бувгьунни Ингушнал командалул.
Дагъусттаннал спортсментал ччалли бувккунни циняв журардал тIуркIурдай (12 журалул). Миннал хIасиллу дур укунсса: мини-футболданий – 1-мур кIану, архъандалий лахъаврий – 2-мур кIану, гужлийнусса троеборьелий – 2-мур кIану, тIанкIру учаврий – 2-мур кIану, ка дишаврий – 2-мур кIану, архъан кIункIу даврий – 2-мур кIану.
Шамилчинми кIанттурду бувгьунни манзилданий кIушиву ласаврий, кIушиву гьаз даврий, куклумур атлетикалул эстафеталий, мукьилчинмур кIану бувгьунни чIатIаракIрава битаврий, ряххилчинмур кIану – мухIулттай лачIун буккаврий ва тIаннул ччаннай (ходули) лечаврий.
Дагъусттанлувтурал ккаккан дунни цалла культура ва багьу-бизу миллатирттал ккураннал лагрулий.
Дагъусттаннал делегациялул бакIчину ия ДР-лул ХIукуматрал Председательнал 1-ма хъиривчу Анатолий Карибов.
ХIадур бувссар
ХI. Аьдиловлул
